العودة للمدارس

  هذا العنوان يخلينا نرد لموضوع سابق عن الفلاء والجشع وارتفاع الاسعار ويردنا ايضا للضجه الاعلاميه التي اثيرت في يوم من الايام وانتهت وكأن تلك الضجة سوت اللي عليها واوتت ثمارها. ولكن هذا حال صحافتنا "حشره مع الناس عيد " لانه صارت مشكلة الاسمنت وغطت على المشكلة الاولى وصارت عقبها مشاكل وغطت عالثانيه بس اعتقد انحلت والبركة في القرارالحكيم لصاحب السمو الشيح محمد بن راشد المكتوم الذي بناءا علية الغت جمارك دبي الرسوم على الاسمنت المستورد. نتمنى ان تكون هناك قرارات حاسمه لباقي المواضيع. المهم نعود لموضوه اليوم وانا اقول اللي اللي عنده اولاد الله يعينه هاليومين وباقي ايام الدراسة يصرف راتبه ويسحب عالمكشوف عشان بس يغطي ثمن شوية حقايب بلاستيك وشوية قمصان واحذيه تايوانية , على كمٍ قلم ومسطره ومساحتين وبرايه وكم كراس. هذي الاشياء لو الواحد اشتراها قبل شهر ونص من اليوم ماكان صرف ربع اللي بيصرفه هالايام هذي بس الاشياء الاساسية والله العالم بطلبات الابلات والمدرسين وطبعاً هذي طلبات إستثنائية لكن الواحد يقول ما عليه اولادنا ومسؤلين منّا .. ولكن سالفة غلاء الاسعار من يرحمنا منها , ولحد متى بنبقى انطالب بالرقابة على الاسعار وسن قوانين تلزم التجار بمخافة الله. أنا ولا كاسر خاطري غير هالراتب هو الوحيد المسكين اللي لايرتفع ولكن احياناّ ينزل الله يعينه بس , خاطري مره اشوفه يشكو من البدانة والتخمه